Les mots surlignés font l'objet d'une note
1Reçue par M. de Gordes, à Grenoble, le 18 mars 1573
2Coppie d’une lettre du roy escritte à monsieur d’Ambrun
3De par le roy,
4notre amé et feal, nous avons receu votre lettre du XXIe du passé par laquelle nous
5avons receu contentement du devoir que vous avez faict iusques icy et continués de
6faire en votre charge, en vous admonestant de persevérer de bien en mieulx
7et n’oublier aulcune chose du bon devoir qui est requis en ce temps calamiteux
8pour la reduction de ce povre peuple desvoyé par la malice des ministres
9et maulvais predicateurs, qui ont esté souffertz et tollerez en ce
10royaulme à notre grand regret. Au surplus parce que vous ne nous
11satisfaictes pas aux aultres poincts contenuz en nosdites lettres et ne sommes
12pas assez esclarciz de ce que nous desirons scavoir de vous, nous vous
13mandons qu’en escrivant icelles, vous ayez à nous avertir au plustost
14faire se pourra des noms et qualitez de ceulx qui tiennent les Abbayes,
15prieurez et aultres benefices de votre diocèze ; ceulx qui sont regis
16par economes et à la requeste de qui ilz sont establiz et depuis quel temps
17et en faveur de qui s’en perçoivent les fruictz et revenuz, affin que nous
18puissions pourvoir surce ainsi que nous desirons, et vous ferez chose
19de notre intention en ce faisant. Donné à St Ligir le VIIe de
20mars 1573. Ainsi signé Charles et au dessoubz de Neufville